Shadi Ke Dhol

Shaamil hue the hum ab tak, dosto ki doli aur baarato mein,

Dekhte the unko haste aur rote hue un jagmagati raaton mein.

Kehte the wo shadi ka ladoo bada meetha hota hai,

Hume lagta tha shadi hona bada acha hota hai.

Josh josh mein humne apne ghar par bhi shadi ki arzi laga di,

Kyunki akele zindagi gujarne ki hamari bhi marzi kahan thi.

Ab Intzaar tha ek achi si ladki milne ka,

Aur unke saath zindagi bhar saath chalne ka.

Ab roz-roz naye-naye rishtey aane lage,

Hamari bhi neendo mein sundar sundar khwab aaane lage,

Selection criteria humne bada tough rakha tha,

Kyunki humne jagah jagh ka laddo chakh rakha tha.

Lekin na jane baghwan ko kya manjoor tha,

Ladki se hamara kundli milap majboor tha.

Aur jis ladki se hamari kundli mil jati thi,

Unke aur hamare vicharo mein hamesha aandhi aa jati thi.

Jahan hamare ghar waale pehle khush the ki Bahu to hume mil hi jayegi (bhai ladka layak tha),

Wahin par unke maathe par chinta ke badal chane lage the.

Ab hamari shadi ek rastriye samasya ban chuki thi,

Gali mahule mein iski charcha hone lagi thi.

Lekin hume bhi jeevan ka ek satya malum tha,

Ki har janam lene waale ka mrituyu aur shadi ka hona pehle hi likha tha,

Isliye hum param gyani ki tarah shanti se baith the,

Aur har roz apni bachelor life ko enjoy karte rehte the......

~Bhuvi~